Alt tekstas Alt tekstas Alt tekstas Alt tekstas Alt tekstas Alt tekstas Alt tekstas Alt tekstas Alt tekstas Alt tekstas Alt tekstas Alt tekstas Alt tekstas Alt tekstas Alt tekstas Alt tekstas Alt tekstas Alt tekstas Alt tekstas Alt tekstas Alt tekstas Alt tekstas Alt tekstas Alt tekstas Alt tekstas Alt tekstas Alt tekstas Alt tekstas

Projekto „Žemaičių kalba – 24/7“ pristatymas Kretingoje

 
2016 m. gegužės 11 d. 14 val. Skuodo rajono savivaldybės R. Granausko viešosios bibliotekos darbuotojai: direktoriaus pavaduotoja Renata Griciūtė, vyriausioji metodininkė Gražina Daukantienė ir inžinierius bibliotekinių procesų automatizavimui Giedrius Lekstutis Kretingos rajono savivaldybės M. Valančiaus viešojoje bibliotekoje surengė projekto „Žemaičių kalba – 24/7“ pristatymą. Jo metu renginio dalyviams buvo pasakojama apie naujai sukurto tinklapio zemaiciukalba.lt teikiamas galimybes mokytis žemaičių kalbos, susipažinti su tarmiškai rašančiais autoriais ir jų kūryba bei žaisti vaikams ir jaunimui skirtus edukacinius žaidimus. Su įdomesniais žemaitiškos rašybos momentais susirinkusius supažindino filologijos magistrė, literatūrologė Dalia Zabitienė. Projekto pristatymo komandos narių pasakojimus armonikos melodijomis pagyvino lenkimiškis Benas Šiumbrys. Savo kūrybą skaitė ir naujajame tinklapyje publikuojamų kūrinių autoriai: Lenkimų krašto metraštininkas, literatas Leonas Rimeikis, respublikinių tarmiškos kūrybos konkursų laureatė Dalia Zabitienė bei kretingiškiai Nijolė Rimkienė ir Juozas Maksvytis. Valanda turiningo susitikimo prabėgo greitai, bet vėliau, svetingų Kretingos bibliotekos darbuotojų kvietimu, vaišinomės arbata, dalinomės mintimis apie projektus ir renginius, svarstėme tolesnio bendradarbiavimo perspektyvas.

Skuodo rajono savivaldybės R. Granausko viešosios bibliotekos informacija

 

Prėstatīts ėr kėtūs miestūs

Balondė mienesie ėvīka trīs interneta portāla, skėrta žemaitiu kalbā muokītėis ėr sokorta pagal Skouda rajuona savėvaldībės Ruomoalda Granauskė vėišuosės bėbliuotekas vīkduoma pruojekta „Žemaitiu kalba – 24/7“, prėstatīmā: Palonguo, Mažeikiūs ėr Gargždūs.

Skouda rajuona savėvaldībės Ruomoalda Granauskė vėišuosės bėbliuotekas vīkduomam pruojektou „Žemaitiu kalba – 7/24“, pateiktam, atsėlėipont i Lietovuos naciuonalėnės Martīna Mažvīda bėbliuotekas bei LR koltūras ministerėjės kvėitėma teiktė paraiškas bėbliuoteku pruojektu dalėnem pinansavėmou gautė, skėrts Bila ėr Melindas Geitsū ponda ėr mėnavuotuosės ministerėjės pinansavėms. Vo pruojekta pradė paskelbta pernā bėrželė 9 d. Toukart bėbliuotekas Skaitītuoju aptarnavėma skīriou prasėdiejės rėngėnīs bėngies vuobėlēlės Skouda Proncėškaus Žadeikė gimnazėjės suodnelie padėigėmo. Vierīta, ka, je tas medielis atsėgaus, sekmingā būs igīvendints ėr pruojekts – būs sokorts vartuotuojems tinkos inpormacėnis portals, katras leis sosėpažintė so žemaitiu kalbuos raiduos ėstuorėjė, gramatika, paskaitītė žemaitėškā rašontiu autuoriu kūrības. Vo lapkrėstė 27-oujė jau sosėrinkta i portāla krėkštīnas. Tėn, kamė anuos ėvīka, t. ī. Skouda mena muokīkluo, galiejė ėšmiegintė edukacėnius žaidėmus, pasėklausītė pranešėma aple žemaitiu gramatikas majednomus, žemaitėškas gruožėnės kūrības (rėngėnie dalīvava ėr garbingu svetiū: portāla kūrosės UAB „Paprasts sprėndėms“ ėš Vėlniaus vaduovs Juokubauskis Vaids bei žīmos bards Kulikauskis Andrios. – D. Z.). Pastaruosės naujajamė portalė spausdėnama ivairiausiu žanru vėsuos Žemaitėjės kūrieju. Ta ne tik mūsa rajuonė vartuojemuoms šiaurės žemaitiu telšėškiu ar kretingėškiu patarmiems – ėr pėitū, mažā belėkosiu vakarū žemaitiu.

Nuorės prėminti, ka žemaitiu kalbuos naujajamė portalė gal muokītėis nuotuolėnio būdo – par pamuokas, vedamas Skouda Proncėškaus Žadeikė gimnazėjės muokītuojės metuodėninkės Piekovienės Zinas, ėr, kap mėnavuota, par edukacėnius žaidėmus. Vo anus žaistė tėkrā apsėmuok: sorinkė daugiausē taškū apdovėnuojemė kuožna mienesi. Portāla adresos http://www.zemaiciukalba.lt/.

Idiejė sokortė interneta portāla muokītėis žemaitiu kalbā Skouda rajuona savėvaldībės R. Granauskė vėišājē bėbliuotekā padiejė ėgīvendintė mėnavuota pruojekta partnerē –Skouda žemaitiu draugėjė ėr Skouda literatu klubs „Nuojos“, prietelis – Skouda P. Žadeikė gimnazėjė. Inpormacėnis riemies – Skouda rajuona laikraštis „Mūsa žuodis“. 

Balondė 20 d. portals prėstatīts Palonguo. Tou miesta savėvaldībės vėišuojie bėbliuotekuo padėrba pruojekta “Žemaitiu kalba – 24/7” vaduovė, Skouda rajuona savėvaldībės R. Granauskė vėišuosės bėbliuotekas dėrektuoriaus pavaduotuojė Grėciūtė Renata, vīriausiuoji metuodėninkė Daukontienė Gražina, vīresniuoji bėbliuotekininkė-LIBIS administratuorė Tiškienė Aušra. Anuoms padiejė žemaitėškā berašo skoudėškē lėteratā, katrū kūrības gal rastė tamė portalė: Lėnkėmu švėisuolis, kraštuotīrėninks, keliū kningu autuorios Rėmeikis Levuons, Skouda P. Žadeikė gimnazėjės muokėnīs Račkos Auksios ėr šiū eilieliu autuorė. Pastaruoji ne tik paskaitė respoblėkėniamė tarmėškas kūrības konkursė geriausio kūrėnio prėpažinta sāva eilierašti, bet ėr sosėrinkosiūsius sopažindėna so žemaitiu kalbuos patarmiū skėrtomās bei gramatikas majednomās. Pri skoudiškiu prisėdiejė Palonguo gīvenos respoblėkėnė tarmėškas kūrības konkursa nogalietuos muokėniū gropie Eglīns Kazėmiers ėr literatė ėš Švėntuosės Koršītė Renata. Doets ėš Klaipiedas “Aušlavis” – Kaklīs Valentins ėr Vrobliauskienė Emilėjė – padainiava dainū žemaitėškās Koršītės R. tekstās. Tėi, katrėi nebova slinkė, galiejė pažaistė prėstatuomamė interneta portalė esontius edukacėnius žaidėmus ėr laimietė prizu. No, vo palongiškis Želvīs Algimants pasėdalėjė prisėmėnėmās ėš Muosiedė – ėš kažkumet če veikosės Skouda gimnazėjės.

Kėta dėina, balondė 21-oujė, portāla prėstatīms ėvīka Mažeikiu rajuona savėvaldībės vėišuojie bėbliuotekuo. Tėn vėituo Rėmeikė L. novažiāva skoudėškis lėterats, lituanists ėr bėbliuotekininks Žvaginis Duonats, vo vėituo Račkaus A. – mėnavuotuosės Skouda Proncėškaus Žadeikė gimnazėjės abiturijėntė, jaunuoji bardė Mackevičiūtė Živilė. Be anuos žemaitėšku dainū dar vėina padainiava ėr sāva tarmėškas kūrības paskaitė mažeikėškė lėteratė Botnuorienė Jenina.

Vo balondė 27 d. interneta portals pagal pruojekta „Žemaitiu kalba – 7/24“ prėstatīts Gargždūs, Klaipiedas rajuona savėvaldībės J. Lankotė vėišuojie bėbliuotekuo, sosėrinkosėms vėsa rajuona bėbliuotekininkams. I anėms skėrta rėnginiū pīnė ėsėterpė jau daug didiesnis būrīs mūsa rajuona atstuovu: mėnavuotas trīs bėbliuotekininkės, šiū eilieliu autuorė, Rėmeikis Levuons, Račkos Auksios, skoudėškė lėteratė Mosteikienė Adelė, lėterats ėr dainū kūries bei atlėkies Reimonts Napoleuons ėš Laumiū suoduos, špuosėninkė Palerguonėjė (Pauliovienė Danguolė) ėš Šatraminiu. Ta ne tik rokouta aple žemaitiu gramatika, skombiejė tarmėška autuorėnė kūrība, bet ėr dainas, žaistė edukacėnē žaidėmā. Če, kap nikamė kėtor, sosėrinkosėjē bōva aktīvė ėr nuoriejė atlėktė oždoutis ne kuolektīvē – raduos cielas trīs puoras ožsėnuoriejusiu ėšmiegintė sāva sīla savanuoriu. Ta anėi nelėka be prizu.

Šėi interneta portāla prėstatīmā ne paskotėnē – žadama i anus pakvėistė ėr kėtūs Žemaitėjės miestūs.

ZABITIENĖ Dalė

Daugiau portėgrapėju regiesėt http://www.svb.lt portėgrapėju  galerijuo.

 

Tamistū diemesiou – kninga vākams!  

               Prėstatuom žemaitėšku skaitėniū kningelė vākams „Cīrulielis“, katra īr vėinintelė tuoki Lietovuo. Anou parengė ėr ėšlēda Skouda rajuona savėvaldībės R. Granauskė vėišuoji bibliuoteka karto so partnerio – Skouda mena muokīkla, vuo leidība pariemė Lietovuos kultūras tarība ė Skouda rajuona savėvaldībė. Žemaitėškus skaitėnius sodāra dvė dālis – vėina skėrta pradėnokams, ontra – vėdotėnė omžiaus vākams. Pasėdomiekėt kningelė ė jūs, nes anuo rasėt žemaitiu kalba sokortuos puoezėjės, pruozas kūrėnieliū, vuo jau spalvingoms anuos žuodēs nenosakuoms! Tuokė poikė ėšvaizda kningelē soteikė Skouda mena muokīklas Dailės skīriaus muokėnokā, vadovaujemė - pedaguogiu Eidėjienės Jurgitas ė Milerienės Juolantas. Tad jimkėt i ronkas žemaitėškus skaitėnius ė skaitīkėt žemaitėškā!

 

 

 

 

 

NAUJĖ ŽEMAITĖŠKA PORTALA PRĖSTATĪMS

Paskotėni lapkrėtė pėnktadėini Skouda rajuona savėvaldībės R. Granauskė vėišuoji bibliuoteka pakvėitė i rėngini Skouda mena muokīkluo, katramė bova prėstatīts naus, žemaitems skėrts tinklalapis zemaiciukalba.lt. Internetėnis poslapis sokorts dieka Skouda rajuona savėvaldībės R. Granauskė vėišuosės bibliuotekas pruojekta „Žemaitiu kalba – 24/7“ (rėmiejē – Lietovuos Respoblėkas koltūras mėnėsterėjė ė Lietovuos naciuonalėnė Martīna Mažvīda bibliuoteka), vuo pavadėnėms znuočėj, kad nuorėntėjē žemaitiu kalba gal stodėjoutė vėsas septīnės nedielės dėinas ė vėsa para (24 adīnas). Pruojekta partnerē īr Skouda žemaitiu draugėjė ė Skouda lėteratu klubs. Puopėitės mozėkėnė nuotaika kūrė garsos bards Kulikauskis Andrios. So onėkalaus pruojekta tėkslo ėr oždavėnēs trumpā sopažindėna pruojekta vaduovė, Skouda rajuona savėvaldībės R. Granauskė vėišuosės bibliuotekas dėrektoriaus pavaduotojė Grėciūtė Renata. Ana sakė, kad pruojekta idiejė prėklausa bibliuotekas dėrektuoriou Grušou Juonou. I prėstatīma ėš Vėlniaus bova atvīkės pats tinklalapė kūries – UAB „Paprasts sprendėms“ generalėnis dėrektuorios Jokubausks Vaids, katras papasakuojė sosėrinkosėms, kas paskatėna jimtėis tuos uždoutėis ėr kāp sekies dėrbtė.Tinklalapie ėr atskėra dalės, skėrta gramatėkā. Anou rengtė paded Šiauliu universiteta stodėju pruorektuorios, Lietoviu kalbuotīras ėr kuomonėkacėjės katedras duocents daktars Pabrieža Jūzaps. Uns rėngėnie dalīvautė negaliejė, bet tou dėina aple žemaitėškas gramatėkas īpatomus nie kėik ne bluogiau rokavuos lietoviu kalbuos magistrė, lėteratūruoluogė Zabitienė Dalė. Tinklalapie bus talpėnama žemaitėška autuoriu ėš vėsū Lietovuos regijuonu korība. Aple anuos rėnkėma, aple pruojekta vėišėnėma ėr kėtus svarbius so tou sosėjosius dalīkus pasakuojė bibliuotekas vīriausiuojė metuodininkė Daukontienė Gražina. Pasak anuos, jau torėma par 350 aštounėsdešimtėis žemaitėškā rašontiū autuoriu korėniū. Kāp autuorē ė korība atsėspindies tinklalapie, viel papasakuojė anuo kūriesVaids. Naujė svetainė onėkali tou, ka ana da padies ė muokītėis žemaitiu kalbuos, nes tėn bus patalpintas pamuokelės, katras ves P. Žadeikė gėmnazėjės lietoviu kalbuos muokītuojė metuodėninkė Piekuvienė Zina. Ėštraukas ėš pamuokieliu bova paruodītas ė rėngėnė dalīvems. Poslapie bus do vakāms ė jaunėmou skėrtė edokacėnē žaidėmā, katrėi padies muokītėis naujū žemaitėšku žuodiu ė daugiau pažintė gimtojė tarmė. Tus žaidėmus kūrė UAB "Prewise" ėš Vėlniaus, o prėstatė vīresniuojė bibliuotininkė – LIBIS admėnėstratuorė Tiškienė Aušra. Tarp pasėrokavėmu skombiejė barda Andriaus atlėiktamas dainas, vuo kėtor so žemaitėškā skaituomās korėnēs ėsėterpė ė skaituovā: Muosiedė gėmnazėjės auklietėnė Eremėnātė Renata, Skouda P. Žadeikė gėmnazėjės muokinīs Kaups Vėlios bei Aušra Tiškienė ė Adelė Zubienė. Pabaiguo noskombiejė mintės, ka pruojekta „Žemaitiu kalba – 24/7“ veiklas bus naudingas, ka anuos leis dėdžioutėis tou, jog esam žemaitēs. Tou sava kalbuom patvėrtėna ėr Skouda rajuona savėvaldībės admėnėstracėjės vīriausiuoji spėcelistė Jasienė Alduona bei Skouda lėteratu kluba pėrmėninkės pavaduotuojė Bėrotė Strakšītė. Pruojekta ėgīvendėnėma kuomanda kvėit vėsus ė toliau neožmėrštė ėr keravuotė sava gėmtojė kalba, domietėis veikluom, katruos soteik galėmībė ėš naujė anou pažintė ė soprastė.

 

 

Pruojekta rēm

Rėmėjas - Lietuvos Nacionalinė Martyno Mažvydo biblioteka Rėmėjas - Klutūros ministerija

Pruojekta ėgīvendėn

Projektą įgyvendina Skuodo Rojono savivaldybės R. Grušausko viešoji biblioteka

Ėnpuormacėnis pruojekta riemies

Informacinis rėmėjas - nepriklausomas Skuodo rajono laikraštis \

Partnerē

Partneris - Žemaičių kultūros bendrija Partneris -

Pruojekta bėčiolis