• VISI
• A
• B
• C
• Č
• D
• E
• F
• G
• I
• J
• K
• L
• M
• N
• P
• R
• S
• Š
• T
• U
• V
• Z
• Ž

Jaunciems Aleksandros

Gėmė 1949 metas.

Gėvenamoujė vėita - Skouds.

Žanrs - pruoza.

Gėmiau 1949 m. lapkrėstė 7 d. Darbienūs (Kretinguos raj.). Pu keliū metu persikieliem gīventė i Skouda. Tėn pradiejau lonkītė muokīkla. Muokīkluo labā patėka užsiiminietė sporto, užvės putbuolo. 1969–1971 metās tarnavau sovietinie armijuo Tuolimūsiūs Rītūs. Patekau i putbuola kuopa. Žaisdams putbuola užbaigiau tėn vakarėnė – vėdorėnė muokīkla. Grīžės eš armėjės pradiejau dainoutė Loknės kultūras nomū estradėnemė ansamblie. Iškėla dilema, kou pasirinktė – putbuola a dainavėma. Nutariau tēstė putbuolista karjera er kelius sezuonus sėkmingā žaidiau ivairiūs Lietuvuos putbuola komanduos. Būdams 30 metu persikieliau gīventė i Šiaulius, kor, dieka sava gīvenama draugės, pradiejau rašītė. Eš pradiū i „Šiauliū naujienas“, „Šiauliū krašta“, o vieliau er i kėtus respublikinius laikraštius bei žornalus. Vieliau gavau trauma ėr tapau neigalio. Galu gale sugrižau i Skouda. Nuors būdams lėguots nepamėršau putbuola – dažnā teisiejavau putbuola varžībuos. Nepamėršau ėr kūrības īgudiu. Dažniausē verto ėš rusu kalbuos, tēp pat rašau humoreskas. Rašiau ėr i „Mūsa žuodi“, „Skouda“. Dabā dėl lėguos paaštriejėma beveik nebrašau. Karta dalīvavau ėr žemaitiu kūrības konkursė. Gal ėr ateitie išmėginsio „jiegas“ panašiamė konkursė.

Korėnē

Ta žvaigždie. Tėn tuolėi, tuolėi...