VISI
A
B
C
Č
D
E
F
G
I
J
K
L
M
N
P
R
S
Š
T
U
V
Z
Ž

Zabitienė Dalė

Gėmė 1973 metas.

Gėvenamoujė vėita - Skouds.

Žanrs - poezėjė ėr pruoza.

Bėnt jau kol kas mona gīvenėmė tier svarbi tiktā vėina data – 1973–ėjē.: tās metās aš gėmiau. Juk, jeigo nebūčiuo gėmusi, nebūčiuo ėr rašiusi!.. Vo rašau, valog mona mamonelės so paponelio, no pat kuokiū ketveriū metu. Tėksliau, koro: ketveriū metu pati rašītė dar nemuokiejau. Rašau abėdvėm kalbuoms: ėr sava gimtoujė žemaitiu, ėr bėndrėnė lietoviu kalbo. Kūrība lietovėškā īr spausdinta ne tik Skouda, Klaipiedas ėr Šiauliū miestu bei rajuonu laikraštiūs ėr anū literatūriniūs prėidūs, bet ėr onkstiau žornalė, vo dabā laikraštie „Nemons“, „Literatūruo ėr menė“, „Metūs“, almanakūs „Baltėjė“, „Varpā“, „Šiaurės Lietova“ ėr kt. leidiniūs, t.ī. kninguos ėr žornalūs. Vo kūrība žemaitėškā īr spausdinta laikraštiūs „A mon sakaa?“ ėr „Žemaitėjės naujīnas“, žornalė „Žemaitiu žemė“. Ėr ož tou žemaitėškoujė kūrība tris kartus īr tekė laimietė premėjės: 1997 m., 2002 m. ėr 2004 m. Nuors nu 1991 m. dėrbo žurnalistini darba, eso literatūras žmuogos: ne tik pati koro, bet ėr iduomaujous, kou kor kėtė. Aple žemaitėška literatūra eso parašiusi nemaža muokslini darba „Gruožėnė literatūra šiaurės žemaitiu tarmė (1990–2006)“. Je Pondėivs dous svēkatas, mėslėjo, ka ėr daugiau literatūras ar aple literatūra parašīsio.