VISI
A
B
C
Č
D
E
F
G
I
J
K
L
M
N
P
R
S
Š
T
U
V
Z
Ž

Žvaginis Duonats

Gėmė 1955 metas.

Gėvenamoujė vėita - Skouds.

Žanrs - poezėjė.

Gėmiau Jundalūs. Mon atruoda, ka gerā. Kou Jundalā prastesnė ož Salontus, Skouda a Kauna?.. Gėmiau 1955 11 21, par patė šlapdrėba. Tuokio uoro pats tas ī dėdėlius darbus dėrbtė: mėrtė arba gimtė. O dā gali mėiguotė arba jiestė. Tou pėrmūsius metus ė dėrbau. Vaikīstė prastrapaliuojau Šatiu parakvėjuo: Jundalūs, Bruotīkūs, Ersluo, Rukūs... Eso siediejės. Ož dailīrašti (tėksliau, ož anuo nebovėma). Rašītė poikē tēp ė neėšmuokau, ta jiemiaus muokītė rašītė kėtus. Muokiau lietuviu kalbuos Apoulie (muokīkla uždarė). Muokiau Loknie – (viel uždarė). Dabā muokau Skouda Proncėškaus Žadeikė gimnazėjuo. Nemuokiedams normalē rašītė, pradiejau rašītė eilieraštius. Tuokė nelaimė atsėtėka besėmuokont Šatiu vėdorinie. Pruotarpēs rašau ė dabā. Pagrindinis mona gīvenėma credo: aš ne nostebintė atejau pasaulė, bet stebietė, māstītė ė stebietėis. Eilieraštē ī mona šūkis, mintis... O gal tik nosėstebiejėma šūksnē?.. Skaitīkėt, je muokat skaitītė..